Malayalam Vruthangal

📚 പ്രധാന വൃത്തങ്ങളുടെ വിശദമായ പഠന സഹായികൾ:

• കേക വൃത്തം: ലക്ഷണം, ഗണവിഭജനം, ഉദാഹരണങ്ങൾ
• കാകളി വൃത്തം: ലക്ഷണം, ഗണവിഭജനം, ഉദാഹരണങ്ങൾ
• മഞ്ജരി വൃത്തം: ലക്ഷണം, മാത്ര, ഉദാഹരണങ്ങൾ
• നത്തോന്നത വൃത്തം: ലക്ഷണം, താളം, ഉദാഹരണങ്ങൾ
• ഗണവിഭജനവും മാത്രകളും: ലഘു, ഗുരു നിർണ്ണയം
• പ്രധാന സംസ്കൃത വൃത്തങ്ങൾ: ലക്ഷണവും ഉദാഹരണങ്ങളും

പ്രിയ സുഹൃത്തുക്കളെ, മലയാള കാവ്യ വ്യാകരണത്തിലെ പ്രധാന വൃത്തങ്ങളും അലങ്കാരങ്ങളും എളുപ്പത്തിൽ റഫർ ചെയ്യുന്നതിനായി ഇവിടെ ക്രോഡീകരിക്കുന്നു. സ്കൂൾ പാഠപുസ്തകങ്ങളിൽ നിന്നും വായനയിൽ നിന്നും സമാഹരിച്ച ഈ വിവരങ്ങൾ വിദ്യാർത്ഥികൾക്കും ഭാഷാസ്നേഹികൾക്കും ഉപകാരപ്പെടുമെന്ന് കരുതുന്നു.

കമന്റുകളിലൂടെ നിർദ്ദേശങ്ങളും തിരുത്തലുകളും പങ്കുവെച്ച എല്ലാ സുഹൃത്തുക്കൾക്കും നന്ദി. — Unni

1. പ്രധാന അലങ്കാരങ്ങൾ (Alankarangal)

ഉപമ (Upama) & മാലോപമ (Malopama)

ഉപമ: ഒന്നിനൊന്നോടു സാദൃശ്യം ചൊന്നാൽ ഉപമയാമത്
മാലോപമ: ഒന്നിനു പലതോടൊത്തു ചൊന്നാൽ മാലോപമയാമത് (ഒരു ഉപമേയത്തിന് ഒന്നിലധികം ഉപമാനങ്ങൾ മാലപോലെ പറയുന്നത്).

ഉപമ ഉദാഹരണം: "മന്നവേന്ദ്രാ വിളങ്ങുന്നു ചന്ദ്രനെപ്പോൽ നിൻ മുഖം"

ഉത്പ്രേക്ഷ (Ulpreksha) & ഗമ്യോത്പ്രേക്ഷ (Gamyolpreksha)

മറ്റൊന്നില്‍ ധര്‍മ യോഗത്താല്‍ അത് താനല്ലയോ ഇത്
എന്ന് വര്‍ണ്യത്തില്‍ ആശങ്ക ഉത്പ്രേക്ഷ ക അലംകൃതി

ഉദാഹരണം: "കോകസ്ത്രീ വിരഹത്തീയിൻ പുകയല്ലോ തമസ്സിതു"

ഗമ്യോത്പ്രേക്ഷ: 'പോൽ', 'ഇവ' തുടങ്ങിയ സാദൃശ്യ-സംശയവാചകങ്ങൾ നേരിട്ട് ഉപയോഗിക്കാതെ ഉത്പ്രേക്ഷ ധ്വനിപ്പിച്ചാൽ അത് ഗമ്യോത്പ്രേക്ഷയാകുന്നു.

രൂപകം (Roopakam)

അവർണ്യത്തോട് വർണ്യത്തിനഭേദം ചൊൽക രൂപകം

ഉദാഹരണം: "കണ്ണീർപ്പൂവുകൾ" (ഉപമേയവും ഉപമാനവും തമ്മിൽ ഭേദമില്ലാതെ ഒന്നായി കൽപ്പിക്കുന്നത്).

ശ്ലേഷം (Slesham)

രണ്ടു കായ്കളൊരേ ഞെട്ടിലുണ്ടാകും പോലെ ഭാഷയിൽ
ഒരേ ശബ്ദത്തിന്നർത്ഥം രണ്ടുരച്ചാൽ ശ്ലേഷമാമത്

യമകം (Yamakam)

അക്ഷരക്കൂട്ടമൊന്നായിട്ടർത്ഥം ഭേദിച്ചിടുംപടി
ആവർത്തിച്ചു കഥിച്ചീടിൽ യമകം പല മാതിരി

കുചേലവൃത്തം വഞ്ചിപ്പാട്ട്:
"മതിമതി പതിയോടു പറവൂതും ചെയ്തു കാന്താ,
മതി മതി കദശന മതീവ മൂല്യം."
(മതിമതി: ബുദ്ധിമതി | മതി മതി: മതിയാക്കുക / നിർത്തുക)

അലങ്കാരം	ലക്ഷണം
അപ്രസ്തുത പ്രശംസ	അപ്രസ്തുത പ്രശംസാഖ്യാ മപ്രസ്തുതമുരക്കയാൽ
സസന്ദേഹം	സാദൃശ്യത്താൽ സ്മൃതി ഭ്രാന്തി സസന്ദേഹങ്ങൾ കാണുകിൽ സ്മൃതിമാൻ ഭ്രാന്തിമാൻ പിന്നെ സസന്ദേഹവും ആയിടും
അതിശയോക്തി	ലോകസീമയതിക്രമിക്കും വർണ്ണനമതിശയോക്തിയാം
ദൃഷ്ടാന്തം	വർണ്യങ്ങൾ തൻ സാദൃശ്യത്താൽ ബിംബപ്രതിബിംബഭാവം വന്നാൽ ദൃഷ്ടാന്തം

2. പ്രധാന വൃത്തങ്ങൾ (Vruthangal)

ഗണനിർണ്ണയ സൂത്രം:
ആദി മധ്യാന്ത വർണങ്ങൾ ലഘുക്കൾ യ ര ത ങ്ങളിൽ
ഗുരുക്കൾ ഭ ജ സ ങ്ങൾക്ക്; മനങ്ങൾ ഗ ല മാത്രമാം.

അഷ്ടഗണങ്ങൾ (ഗണ ചിഹ്നങ്ങൾ):

(U = ലഘു / ഹ്രസ്വസ്വരം, — = ഗുരു / ദീർഘസ്വരം):

യ : U — —

ര : — U —

ത : — — U

മ : — — —

ഭ : — U U

ജ : U — U

സ : U U —

ന : U U U

കേക (Keka)

മൂന്നും രണ്ടും രണ്ടും മൂന്നും രണ്ടും രണ്ടെന്നെഴുത്തുകൾ
പതിന്നാലിന്നാറു ഗണം പാദം രണ്ടിലുമൊന്നുപോൽ
ഗുരുവൊന്നെങ്കിലുമുണ്ടാവണം മാറാതോരോ ഗണത്തിലും
നടുക്കു യതി പാദാദി പൊരുത്തമിതു കേകയാം

ഉദാഹരണം: "കാക്കതൻകൂട്ടിലിട്ടേച്ചു പോയൊരു മുട്ടവിരിഞ്ഞുണ്ടായ്"

കാകളി (Kakali)

മാത്രാഞ്ചക്ഷരം മൂന്നിൽ വരുന്നൊരു ഗണങ്ങളെ
എട്ടു ചേർത്തുളളോരീരടിക്ക ചൊല്ലാം കാകളിയെന്നു പേർ

മഞ്ജരി (Manjari)

ശ്ലഥ കാകളി വൃത്തത്തിൽ രണ്ടാം പാദത്തിൽ അന്ത്യമാം
രണ്ടക്ഷരം കുറഞ്ഞീടിലതു മഞ്ജരിയായിടും

ഉദാഹരണം: "പൂക്കാത കാടുകൾ പൂത്തു, വാടാത്ത പൂക്കൾ വിരിഞ്ഞു"

നതോന്നത (Nathonatha / വഞ്ചിപ്പാട്ട്)

ഒന്നുമൂന്നുമഞ്ചുമേഴുമൊമ്പതുമീരടികളിൽ
എട്ടക്ഷരം വരും പാദം മറ്റതിനൊമ്പതും വരും

സംസ്കൃത വൃത്തങ്ങൾ (Sanskrit Metres)

വൃത്തം	ലക്ഷണം
ശാർദ്ദൂലവിക്രീഡിതം	പന്ത്രണ്ടാൽ മസജം സതം ത ഗുരുവും ശാർദ്ദൂലവിക്രീഡിതം
വസന്തതിലകം	ചൊല്ലാം വസന്തതിലകം തഭജം ജഗംഗം
മാലിനി	നനമയയുഗമെട്ടിൽ തട്ടണം മാലിനിക്ക്
വംശസ്ഥം	ജതങ്ങൾ വംശസ്ഥമതാം ജരങ്ങളും
പഞ്ചചാമരം	ജരം ജരം ജരം വിരിഞ്ഞു പഞ്ചചാമരം വരും
ഇന്ദ്രവജ്ര	കേളിന്ദ്രവജ്രയ്ക്കു തതം ജഗംഗം
ഉപേന്ദ്രവജ്ര	ഉപേന്ദ്രവജ്രയ്ക്കു ജതം ജഗംഗം
സ്രഗ്ദ്ധര	ഏഴേഴായ് മൂന്നു ഖണ്ഡം മരഭനയയയം സ്രഗ്ദ്ധര വൃത്തമാം
കുസുമമഞ്ജരി	രം നരം നരനരം നിരന്നു വരുമെങ്കിലോ കുസുമമഞ്ജരി

3. സമാസം (Samasam)

സമാസം 4 വിധം:

• ബഹുവ്രീഹി സമാസം
• തത്പുരുഷ സമാസം
• ദ്വന്ദ്വ സമാസം
• അവ്യയീഭാവ സമാസം

4. സന്ധി (Sandhi)

സന്ധി 4 വിധം & ഉദാഹരണങ്ങൾ:

• ആദേശ സന്ധി: ആയതുകൊണ്ട് → ആയത് + കൊണ്ട്
• ആഗമ സന്ധി: വരികയില്ല → വരിക + ഇല്ല
• ലോപ സന്ധി: ചുരുക്കെഴുത്ത് → ചുരുക്ക് + എഴുത്ത്
• ദ്വിത്വ സന്ധി: തത്തമ്മ → തത്ത + അമ്മ

5. വിഭക്തികൾ (Vibhakthi - Cases & Suffixes)

വിഭക്തി	കാരകം	പ്രത്യയം	ഉദാഹരണം
നിർദ്ദേശിക	കർത്താവ്	ഇല്ല (തന്മ)	രാമൻ
പ്രതിഗ്രാഹിക	കർമ്മം	-എ	രാമനെ
സംയോജിക	സാക്ഷി / സഹാർത്ഥം	-ഓട്	രാമനോട്
ഉദ്ദേശിക	സ്വാമി	-ക്ക്, -ന്	രാമന്
പ്രയോജിക	കരണം / ഹേതു	-ആൽ	രാമനാൽ
സംബന്ധിക	ഉടമസ്ഥത (സ്വത്വം)	-ഉടെ, -ന്റെ	രാമന്റെ
ആധാരിക	അധികരണം (സ്ഥാനം)	-ഇൽ, -ങ്കൽ	രാമനിൽ

6. ശബ്ദാലങ്കാരങ്ങൾ & പ്രാസങ്ങൾ (Prasam)

ദ്വിതീയാക്ഷരപ്രാസം:
എല്ലാ പാദങ്ങളിലെയും രണ്ടാമത്തെ അക്ഷരം ഒരേ വ്യഞ്ജനമായി നിബന്ധിക്കുന്നത് (പ്രാചീന മണിപ്രവാള കവിതകളുടെ മുഖമുദ്ര).

അന്ത്യാനുപ്രാസം:
ഓരോ വരിയുടെയും അവസാനത്തിൽ ഒരേ അക്ഷരങ്ങളോ സ്വരച്ചേർച്ചയോ ആവർത്തിച്ചു വരുന്നത്.

പ്രധാന കൃതികളും വൃത്തങ്ങളും (Quick Reference)

• ഹരിനാമകീർത്തനം: നതോന്നത (വഞ്ചിപ്പാട്ട് വൃത്തം)
• ചങ്ങമ്പുഴയുടെ കാവ്യനർത്തകി: മഞ്ജരി വൃത്തം
• കുചേലവൃത്തം: നതോന്നത / വഞ്ചിപ്പാട്ട് (യമകാലങ്കാരം സഹിതം)
• രൂപകാതിശയോക്തി: ഉപമേയത്തെ പൂർണ്ണമായി മറച്ച് ഉപമാനം മാത്രമായി വർണ്ണിക്കുന്നത് (ഉദാ: "അമ്പിളി ചിരിച്ചു" — മുഖം എന്ന് പറയാതെ അമ്പിളി എന്ന് മാത്രം പറയുന്നത്).